20N-DÍA MUNDIAL DA INFANCIA

UN DÍA PARA MOVER O MUNDO - CONTRA A FAME INFANTIL
O venres 25 celebramos no cole a actividade de Unicef  "Un día para mover o mundo" con motivo da conmemoración o pasado 20 de novembro do día mundial da infancia. 
Primeiro traballouse nas aulas unha lectura sobre a que conversamos e despois, por grupos, fixéronse propostas de accións que os nenos estarían dispostos a levar a cabo co fin de erradicar a fame no mundo. Escribiron cada mensaxe nunha cartolina que representaba a bola do mundo e pegárona nun pao de madeira co que logo fixemos unha exposición. Ademais, no patio do cole xuntámonos todos e lemos os lemas elaborados á vez que baixo dun paracaídas moviamos a esfera do mundo.
Aquí tedes unhas fotos para que lle botedes un vistazo!!!

Se preferides tamén podedes cantar a canción que traballaron os nenos e nenas de infantil!! 

UNHA DE VERSOS

Os nenos e nenas de 6º estiveron traballando con poemas e mesmo se convertiron en escritores de primeira, aquí tedes unha mostra:


E na ría                                                                                   E na praia
un bico de amiga.                                                                  un bico de rabia.


E no mar                                                                                 E no campo     
dous bicos de sal.                                                                   dous bicos de santo.


E no colexio                                                                             E no parque
tres bicos de desexo.                                                             tres bicos con arte.


E no lar                                                                                    E no estanque
seis bicos na man.                                                                  seis bicos ao instante.


E no tellado                                                                             E no mercado
dez bicos dourados.                                                               dez bicos de pecado.


E no corazón                                                                           E na floristería
cen bicos de ilusión.                                                               cen bicos ao día.


         Nenos/as de 6º                                                                            Sandra Solla

CONTACONTOS

Hoxe comezamos coas sesións de contacontos na biblioteca preparadas polos nenos e nenas do Cole. Os rapaces de 3º contáronlle unha fermosa historia a Infantil e 1º de Primaria:

Todos quedamos encantados e agardando que a experiencia se repita moi pronto.

TINTIN

O venres 28 de outubro estreouse nos cines españois a película "Las aventuras de Tintin: El secreto del unicornio". Trátase dunha adaptación dirixida por Steven Spielberg das aventuras do famoso persoaxe de cómic creado por Hergé (Georges Remi). 

Pode ser unha oportunidade para reler ou introducirte nas aventuras deste curioso xornalista, ¡achégate a biblio e colle o libro!

TALLER DE LECTURA

Se che gustan os contos e queres escoitar ou escribir algún...

MAGOSTO 2010

No magosto deste ano tivemos unha chea de actuacións que podedes ver máís abaixo nos vídeos.
Para facervos unha idea da festa podedes botarlle un ollo as fotos.


Os de infantil cantáronnos Castañas, castañas que ricas están.







Os de primeiro e segundo  ciclo de Primaria fixeron Macedonia de Outono.






Os de terceiro ciclo de Primaria cantaron Puré de Castañas.

HALLOWEEN / SAMAÍN NO COLE

Este ano no Paraixal festexamos o Halloween / Samaín por todo o alto. Á parte da decoración habitual na clase de inglés, tamén se decoraron os corredores con debuxos, carteis e móbiles relativos a esta temática.
Ademais fíxose unha exposición coas cabazas que os nenos/as de Primaria prepararon nas súas casas.

Os de Educación Infantil coa axuda da profe de inglés fixeron as "jack o'lantern" na súa clase.