30 XANEIRO: DÍA DA PAZ

Hoxe celebramos o Día da Paz no Cole. Ademais das actividades que podedes ver nas fotos da web do Centro, aquí tedes dous vídeos cos traballos, exposicións de libros da Biblioteca, lectura de poemas, debuxos, murais... que fixeron os nenos e nenas do Cole e que seguro vos axudarán a reflexionar sobre a importancia do tema.

      

SESIÓN DE CONTACONTOS - 6º PRIMARIA

Os nenos e nenas de 6º levaban uns días preparando a sesión de contacontos para Infantil e 1º ciclo:

- Primeiro, fomos á Biblio escoller o conto: "UNHA CASA Á MEDIDA"

- Despois preparamos os diálogos

- Pasamos ao ordenador as imaxes do conto e lle engadimos música

- Memorizamos a historia e ensaiamos

- Chegou o día! Contamos o conto aos nenos! Tamén quixeron escoitarnos os compañeiros/as de 5º!!

 PASÁMOLO MOI BEN!

CORREO ESCOLAR

Este curso seguimos intercambiando correo escolar co CEIP Carballal. Hoxe chegáronnos os seus agasallos, dos que tedes a continuación unha mostra:

Nós enviámoslle tamén os nosos detalles de Nadal:

NÓS LEMOS II

Unha vez rematada a primeira parte da actividade, estas dúas últimas semanas estivemos coa segunda. Lemos os textos escritos nos murais e adiviñamos os títulos dos libros aos que correspondían. Quen soubo máis? 

 

25N - Día Internacional Contra a Violencia de Xénero

Escribimos NOTICIAS.

NÓS LEMOS

Xa podedes ver a primeira parte dunha das actividades programadas pola Biblio para este trimestre. Tratábase de escribir un anaquiño do libro que máis me gustara e por ciclos elaborar os seguintes murais:

                              

                           

                         

20N-DÍA MUNDIAL DA INFANCIA

UN DÍA PARA MOVER O MUNDO - CONTRA A FAME INFANTIL
O venres 25 celebramos no cole a actividade de Unicef  "Un día para mover o mundo" con motivo da conmemoración o pasado 20 de novembro do día mundial da infancia. 
Primeiro traballouse nas aulas unha lectura sobre a que conversamos e despois, por grupos, fixéronse propostas de accións que os nenos estarían dispostos a levar a cabo co fin de erradicar a fame no mundo. Escribiron cada mensaxe nunha cartolina que representaba a bola do mundo e pegárona nun pao de madeira co que logo fixemos unha exposición. Ademais, no patio do cole xuntámonos todos e lemos os lemas elaborados á vez que baixo dun paracaídas moviamos a esfera do mundo.
Aquí tedes unhas fotos para que lle botedes un vistazo!!!

Se preferides tamén podedes cantar a canción que traballaron os nenos e nenas de infantil!!