COCIÑANDO LECTURAS

Hoxe os nenos e nenas de 1° fixeron unhas ricas madalenas empregando a receita do libro de Ledicia Costas: Escarlatina, a cociñeira defunta. Demostrando que ler e divertirse é posible.

Todo o alumnado do cole cheirou o magnífico recendo que saía da aula de cociña. A ver se a próxima vez nos invitan a probalas que seica estaban riquísimas!

MOCHILAS VIAXEIRAS

Esta semana foron para casa de 7 familias as Mochilas Viaxeiras do Paraixal cargadiñas de actividades e historias para desfrutar en familia.

EN BUSCA DO DRAGÓN

Dende Illa Fantasía propuxéronnos un reto para realizar no Nadal: atopar un dragón que deixaron na biblioteca pública Juan Compañel de Vigo.  E xa comezan a chegarnos algunhas:

Moitas grazas ás familias por animarse a participar ;)

A BIBLIOTECA NO PRIMEIRO TRIMESTRE

Como xa sabedes, a nosa biblioteca non é soamente un espazo para ler e disfrutar dos libros. É o lugar onde nos xuntamos para realizar actividades internivelares como visitas de escritores, contacontos, xornadas de igualdade, obradoiros... Trátase dun espazo para os nenos e nenas pero tamén para as familias, un lugar para ler pero tamén para aprender.

Se queredes coñecer as actividades que fixemos neste primeiro trimestre ollade:

bilioteca 1 trimestre

GALEGÓMETRO

O Venres pasado entregamos os premios do I GALEGÓMETRO do curso. Os gañadores foron: Saúl, Sofía, Nahiara (representada por Jessi), Sara e Nayara. NORABOA!!!!

Para os que non sabedes, o Galegómetro é un concurso de preguntas co que pretendemos fomentar o uso da lingua galega e aprender cousas novas da nosa cultura.  Estas son as cuestións que apareceron ata o momento, a ver se sodes quen de acertalas todas:

Galegómetro i de rbk_

25 NOVEMBRO DIA CONTRA A VIOLENCIA DE XÉNERO

Hoxe celébrase o día contra a Violencia de Xénero e dende a biblioteca do Paraixal queremos sumarnos cunha exposición de contos sobre igualdade que durante estas semanas estivemos lendo na aula grazas a aportación dalgunha familia e os obradoiros de igualdade celebrados o Venres 17. Dende o noso centro cremos que temos que educar dende  infancia para conseguir eliminar este tipo de violencia. 

Ademáis, onte fixemos un mural entre todo o alumnado do centro e uns brazaletes morados co símbolo do Yin e Yang, proposto dende o proxecto de Illa Fantasía no que participa o centro. Ollade que ben quedaron:

Visitounos Pepe Carreiro. Para saber máis clica na imaxe